FVV muhim ogohlantirish bilan chiqdi
Oʻzbekistonda 21 va 23 mart kunlari yer silkinishi kuzatildi. Afgʻoniston va Tojikistonda kuzatilgan zilzila kuchi Oʻzbekiston hududlarida ham sezildi.
Bu esa aholi orasida muhokamalarga sabab boʻlmoqda. FVV esa aholini muhim ogohlantirish bilan murojaaat qildi.
"Hurmatli yurtdoshlar, shu kunlarda ijtimoiy tarmoqlarda yaqin kunlarda zilzila sodir boʻlishi mumkinligi haqida soxta xabarlar tarqalmoqda. Shu munosabat bilan Sizlarni bunday yolgʻon xabarlarga ishonmaslikka chaqiramiz. Yana bir bor taʼkidlaymizki, bugungi kunda dunyoning hech bir davlatida zilzila sodir boʻladigan sana va hatto taxminiy vaqtni bashorat qila oladigan texnologiyalar mavjud emas. Oʻzbekiston seysmik faol zonada joylashgani sababli baʼzida yer silkinishlari sodir boʻladi. Har doim shunday boʻlgan", - deyiladi xabarda.
