Ramazon oyi 23 martdan boshlanadi
Ramazon oyi 23 mart, payshanba kunidan boshlanishi maʼlum boʻldi.
Prezident “Muborak Ramazon oyini munosib tarzda oʻtkazish toʻgʻrisida”gi qarorini imzoladi. Unga koʻra, 2023 yilgi muborak Ramazon oyining boshlanishi 23 mart kuniga toʻgʻri kelishi haqidagi Oʻzbekiston musulmonlari idorasining axboroti maʼlumot uchun qabul qilindi.
Oʻzbekiston musulmonlari idorasi Ulamolari Kengashi tomonidan Islom dini manbalari va astronomik maʼlumotlarga tayangan holda 2023 yilda Ramazon oyining birinchi kuni shu yil 23 mart, payshanba kuniga toʻgʻri kelishi haqida xulosa qilingan.