Bugun umumxalq xayriya hashari kuni

“Obod va fayzli mahalla – yurt koʻrki” shiori ostida 2023 yil 11 mart kuni umumxalq xayriya hashari oʻtkazilishi haqida avval xabar berilgan edi.

Vazirlar Mahkamasining tegishli farmoyishi asosida ushbu umumxalq xayriya hashari Navroʻz umumxalq bayrami va muborak Ramazon oyi arafasida hamda tadbirga puxta tayyorgarlik koʻrish va uyushqoqlik bilan oʻtkazish maqsadida 2023 yil 11 martdan 18 martga koʻchirilgandi.

Eslatib oʻtamiz, hashar mahallalar, aholi turar joylari, xiyobonlar, ziyoratgohlar, qabristonlar, bolalar maydonchalari va boshqa joylarni obodonlashtirish, shuningdek, aholining ijtimoiy himoyaga muhtoj qatlamini qoʻllab-quvvatlash maqsadida oʻtkaziladi.