17-mart, 2023

Son koʻpayib, sifat yoʻqolib ketmayaptimi?

Oliy taʼlim sifati boʻyicha 25 mingdan oshiq talaba ishtirokida oʻtkazilgan tadqiqot qanday haqiqatlarni fosh etdi? Qabul uchun ajratilayotgan grantlar soni yana koʻpayadimi? MY5 telekanalining “Obʼektiv” tok-shousi ijodkorlarining taʼkidlashicha, dasturning navbatdagi sonida ana shu kabi muhim savollar mutaxassislarga koʻndalang qoʻyilishi bilan birga qimmat mashinada keladigan talabalar haqida ham soʻz boradi! “Bugun soat 20 00 da efirga uzatiladigan tok-shou ham koʻp haqiqatlarni ochadi”, deya maʼlum qildi “Obʼektiv” ijodkorlari platina.uz ga.

Aholining keng qatlamlarini oliy taʼlim bilan qamrab olish masalasi Prezidentimiz tomonidan BMT minbarida koʻtarilgan va maʼlumotlarga koʻra, 2030 yilgacha Oʻzbekistonda 50% yosh aholi oliy maʼlumotga ega boʻlishi rejalashtirilgan.
Shu sababli oliy taʼlimni olish huquqi Konstitutsiya darajasigacha oshirilmoqda. Ayni shu muhim islohot sabab telekanal ijodkorlari ham aynan oliy taʼlim mavzusini tahlil qilishibdi.