Shaharlararo yoʻnalishlarda qoʻshimcha avtobus qatnovlari tashkil etilmoqda

Transport vazirligi Navroʻz umumxalq bayrami munosabati bilan fuqarolarga qoʻshimcha qulayliklar yaratish, yoʻlovchilarni oʻz vaqtida manzillariga xavfsiz yetkazib qoʻyishni tashkil etish uchun “Toshkent” avtovokzalidan kunlik tasdiqlangan grafik asosida qatnovchi reyslaridan tashqari qoʻshimcha qatnovlarni tashkil etmoqda. Bu haqda Transport vazirligi axborot xizmati xabar bermoqda.

Xususan, 14 martdan boshlanib,19 mart kuniga qadar jami 34 ta qoʻshimcha reyslar tashkil etilishi rejalashtirilgan. 16 mart kuni Qorakoʻl (1 ta), Uzun (2 ta), Xiva (4 ta), Termiz (3 ta) shaharlariga qoʻshimcha 10 ta reys tashkil etildi.

Eslatib oʻtamiz, talab yuqori boʻlgan yoʻnalishlarda yoʻlovchilar oqimidan kelib chiqib, yana qoʻshimcha reyslar tashkil qilinadi.