Prezident Shavkat Mirziyoyev ertaga Turkiyaga boradi
2023 yilning 16 mart kuni Anqarada Turkiy davlatlar tashkiloti rahbarlarining «Ofat hamda favqulodda vaziyatlarni boshqarish va insonparvarlik yordami» mavzusida navbatdan tashqari sammiti boʻlib oʻtadi. Oʻzbekiston yetakchisi mazkur sammitda ishtirok etishi koʻzda tutilgan.
Sammit yaqinda Turkiyada sodir boʻlgan zilzila tufayli yuzaga kelgan favqulodda holatni muhokama qilish uchun yuqori darajali platforma vazifasini oʻtaydi. Unda TDT doirasida tabiiy ofatlarni va favqulodda vaziyatlarni boshqarish va insonparvarlik yordami koʻrsatish boʻyicha hamkorlik istiqbollari yuzasidan fikr almashadilar.
Sammit doirasida, shuningdek, ikki tomonlama uchrashuvlar ham oʻtkazilishi rejalashtirilgan.
