Konstitutsiyaviy sud: “Konstitutsiyaviy qonun loyihasini referendumga qoʻyishga monelik qiluvchi holatlar yoʻq!”
Bugun Qonunchilik palatasi qarorining Oʻzbekiston Respublikasi Konstitutsiyasiga muvofiqligini aniqlash boʻyicha Konstitutsiyaviy sudning majlisi boʻlib oʻtmoqda.
Konstitutsiyaviy sudning qayd etilishicha, Konstitutsiyaviy qonun loyihasini referendumga qoʻyishga monelik qiluvchi holatlar aniqlanmagan
Konstitutsiyaviy sud raisi Mirzo-Ulugʻbek Abdusalomovning aytishicha, Konstitutsiyaning yangi tahrirdagi loyihasi amaldagi Konstitutsiya, boshqa hamma qonunlar va Oʻzbekistonning xalqaro hujjatlariga toʻliq mos keladi.
Shuningdek, Konstitutsiyani yangilashga oid qonunni prezident imzolashi koʻzda tutilmagan. Senat maʼqullashi kerak.
Konstitutsiyaviy oʻzgarishlar referendum natijalari eʼlon qilingan kundan eʼtiboran kuchga kiradi.