Navoiy hokimi sanoat zonalari uchun 1 mlrd.dan koʻp pul ajratdi
Navoiy viloyati hokimi Normat Tursunov viloyatdagi sanoat zonalari uchun 1 mlrd. soʻmdan ortiq mablagʻ ajratdi.
U imzolagan farmoyishga koʻra, “Hududiy elektr tarmoqlari korxonasi” AJ Navoiy hududiy filialiga 968 mln. soʻm, "Hududgaztaʼminot" AJ Navoiy viloyati filialiga 310 mln. soʻm pul beriladi.
Pullar Tadbirkorlik infratuzilmasini rivojlantirish jamgʻarmasi hisobidan hududlarda tashkil etilgan kichik sanoat zonalari hamda yoshlar sanoat va tadbirkorlik zonalarining tashqi muhandislik-kommunikatsiya tarmoqlarini loyiha-smeta hujjatlarini ishlab chiqish xarajatlari uchun sarflanadi.