Endilikda davlat aholiga qaysi hududda ekologik vaziyat yomonlashayotganligi haqida maʼlumot berib borishga majbur boʻladi
Har kimni qulay atrof-muhitga, uning holati toʻgʻrisidagi aniq axborotga ega boʻlish huquqi yangilanayotgan Konstitutsiyada mustahkamlanmoqda. Shuningdek, davlat fuqarolarning ekologik huquqlarini taʼminlash maqsadida shaharsozlik faoliyati sohasida jamoatchilik nazoratini amalga oshirish uchun shart-sharoitlar yaratish majburiyatini olmoqda.
Loyihaga koʻra, endilikda davlat aholiga qaysi hududda ekologik vaziyat yomonlashayotganligi, uning sabablari toʻgʻrisida maʼlumotlar berib borishga, ularni bartaraf etish boʻyicha choralar koʻrishga majbur boʻladi.
