Bosh prokuratura xorijlik jurnalistning oʻlimiga oid birlamchi maʼlumotlarni oshkor qildi

Avvalroq Toshkentda rossiyalik jurnalist oʻlik holda topilgani haqida xabar bergandik. Shuningdek, Bosh prokuratura xorijlik jurnalistning oʻlimi yuzasidan bayonot berganini ham maʼlum qilgandik.

Bosh prokuratura xabariga koʻra, 36 yoshli jurnalist Aleksandr Nechayev vafot etganligi holati boʻyicha tekshirish oʻtkazilmoqda.

Sud-tibbiyot ekspertizasining dastlabki xulosasiga koʻra, A.Nechayevning oʻlimi «surunkali yurak-oʻpka yetishmovchiligi, yurakning surunkali ishemik kasalligi»dan kelib chiqqan.

A.Nechayevning tanasi koʻzdan kechirilganda tan jarohatlari aniqlanmagan.

"Tekshirish davom etmoqda", - deyiladi xabarda.