Turkiyadagi zilzilalar keltirgan zarar miqdori maʼlum qilindi
BMT Taraqqiyot dasturining Turkiyadagi doimiy vakili Luiza Vinton fevral oyi boshida Turkiya va Suriyada yuz bergan zilzilalarning iqtisodiy zarari haqida maʼlumot berdi.
Vintonning aytishicha, zilzila sabab faqat Turkiyaning oʻzida 100 milliard dollardan oshiq zarar vujudga kelgan.
Shuningdek, uning qoʻshimcha qilishicha, zararni baholash hali ham davom etmoqda va 16 mart kuni Bryusselda boʻlib oʻtadigan Yevropa ittifoqi donor davlatlari konferensiyasida yakunlanadi.
«Zarar 100 milliard dollardan oshiqroq boʻlishi allaqachon aniq», deydi Uinton Jenevada boʻlib oʻtgan brifingda.
Maʼlumotga koʻra, zilzila natijasida 600 mingdan ortiq xonadon va idoralar joylashgan 200 mingdan ortiq binolar vayron boʻlgan.
