Toshkentda rossiyalik jurnalist oʻlik holda topildi
Rossiyaning “Byulleten kinoprokatchika” jurnali bosh muharriri Aleksandr Nechayev 37 yoshida vafot etdi. Bu haqda jurnal Telegram kanali xabar berdi.
«Byulleten kinoprokatchika“ bosh muharriri Aleksandr Nechayevning kutilmagan oʻlimini cheksiz qaygʻu bilan maʼlum qilamiz. Sasha oʻtkir zehnli, ochiqkoʻngil, professional va isteʼdodli odam edi. Biz nafaqat hamkasbimizni, balki xotiramizda abadiy qoladigan yaqin doʻstimizni ham yoʻqotdik», — deyiladi xabarda.
Marhumning yaqinlariga koʻra, oʻlim sabablari hozircha nomaʼlum. Marhumning doʻsti, jurnalist Denis Korsakovning aytishicha, Nechayev bir-ikki oy Toshkentda istiqomat qilish uchun kelgan.