Turkiyada zilzila qurbonlari soni 46 mingdan oshdi
Turkiya janubi-sharqidagi zilzilalar qurbonlari soni 46 104 kishiga yetdi. Bu haqda prezident Rajab Toyyib Erdoʻgʻon mamlakat Vazirlar Mahkamasi yigʻilishi yakunlari boʻyicha telemurojaatida maʼlum qildi.
«Bugun, zilzilalarning toʻrtinchi haftasi oʻtgan ekan, biz boshdan kechirgan falokat koʻlamini yanada aniqroq koʻrmoqdamiz va yoʻqotishlarimiz ogʻrigʻini yanada chuqurroq his qilmoqdamiz», — dedi Turkiya rahbari.
Davlat rahbari mamlakat hukumati tabiiy ofat natijasida vayron boʻlgan hududlarni tezda tiklashga qatʼiy qaror qilganini taʼkidladi.
«Maqsadimiz yaqin ikki oy ichida 244 mingta bino va 75 ming qishloq uyi qurilishini boshlash», dedi Erdoʻgʻan.
Uning qoʻshimcha qilishicha, ulardan 22 mingtasi qurilishi boshlangan.
Unga koʻra, zilziladan zarar koʻrgan hududlarda 488 mingta yangi uy qurilishi rejalashtirilgan.
Prezident tabiiy ofatdan jabr koʻrgan hududda ikki oy ichida 100 ming konteyner tipidagi uylar oʻrnatilishini ham maʼlum qildi.
