Toshkentda 10 martdan isitish tizimi oʻchiriladi
10 martdan poytaxtda 2022–2023 yilgi isitish davri yakunlanishi rejalashtirilayotganini maʼlum qilindi. Bu haqda Toshkent shahri hokimligi xabar berdi.
Maʼlum qilinishicha, isitish davri tashqi havoning oʻrtacha sutkalik harorati 8 darajadan past boʻlgan 5 kunlik davr tamom boʻlgan kundan keyingi kundan boshlanishi, 8 darajadan yuqori boʻlganda esa tamomlanishi kerak.
«Shundan kelib chiqib, mart oyidan havo harorati isigani va oʻrtacha sutkalik harorat 10 darajadan yuqori boʻlayotganini inobatga olgan holda, 2023 yilning 10 mart kunidan 2022–2023 yilgi isitish davri yakunlanishi rejalashtirilayotganini maʼlum qilamiz», deyiladi hokimlik xabarida.