17-fevral, 2023

Oʻzbekiston maʼlumotlar ochiqligi xalqaro reytingida 5 pogʻonaga yuqoriladi

Open Data Watch tashkilotining ochiq maʼlumotlar jahon reytingida (Open Data Inventory) 192 davlat orasida Oʻzbekiston 66 ball bilan dunyoda 40-oʻrinni egalladi. 2020 yilda esa 187 davlat orasida 63 ball bilan 45-oʻrinni band etgandi. Open Data Inventory (ODIN) reytingida mamlakatning statistik takliflarining toʻliqligi va ulardagi maʼlumotlarning xalqaro ochiqlik standartlariga qanchalik mos kelishi baholanadi. 2020 yildan 2022 yilga qadar Oʻzbekistonning umumiy balli maʼlumotlar koʻlami boʻyicha 52 dan 56 ballga, maʼlumotlar ochiqligi boʻyicha esa 72 dan 74 ga oshgan. 2022 yilgi reyting yakunlari boʻyicha Singapur birinchi, Daniya ikkinchi va Finlyandiya uchinchi oʻrindan joy olgan.