16-fevral, 2023

Toshkentda 5 ta avtomobil ishtirokida YTH sodir boʻldi

Toshkent shahar Olmazor tumanidagi Talabalar koʻchasida 16 fevral kuni beshta avtomobil ishtirokida YTH sodir boʻldi. Bu haqda poytaxt shahar IIBB Yoʻl harakati xavsizligi boshqarmasi xabar berdi. Maʼlum qilinishicha, 16 fevral kuni soat 13:30 larda 1999 yilda tugʻilgan A.A. boshqaruvidagi Spark, 1955 yilda tugʻilgan R.J. boshqaruvidagi Lacetti, 1992 yilda tugʻilgan A.Z. boshqaruvidagi Damas, 1997 yilda tugʻilgan I.J. boshqaruvidagi Lacetti hamda 1955 yilda tugʻilgan A.R. boshqaruvidagi Cobalt avtomashinalari ishtirokida yoʻl transport hodisasi sodir boʻlgan. Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.