15-fevral, 2023

Qator milliy federatsiyalar Toshkentdagi boks chempionatini boykot qilmoqda

AQSh, Irlandiya, Chexiya va Buyuk Britaniya boks federatsiyalari 2023 yil mart oyida Dehlida oʻtkaziladigan ayollar oʻrtasidagi va may oyida Toshkentda oʻtkaziladigan erkaklar oʻrtasidagi jahon chempionatini boykot qildi. Ushbu davlatlar bokschilari chempionatda ishtirok etmaydi. Kanada ham shunday qarorga yaqin. Bunga rossiyalik va belaruslik bokschilarning oʻz bayrogʻi ostida qatnashishiga ruxsat berilishi sabab boʻlgan. Shuningdek, USA Boxing bayonotida IBA moliyaviy boshqaruvi shaffof emasligi va sanksiyalar ostidagi kompaniyalarga qaramligi ham boykotning sabablaridan biri sifatida keltirilgan. Maʼlumot uchun, erkaklar va ayollar chempionatlari Xalqaro boks assotsiatsiyasi (IBA) tomonidan tashkillashtiriladi, uning prezidenti rossiyalik Umar Kremlevdir. Rossiyaning Gazprom energetika kompaniyasi esa IBAning eng yirik homiysi hisoblanadi.