13-fevral, 2023

Turkiyadan yana bir oʻzbekistonlik fuqaroning jasadi yuborildi

12 fevral kuni zilzila oqibatida Shonliurfa shahrida vafot etgan yana bir Oʻzbekiston fuqarosining jasadi Istanbuldan Toshkentga yuborildi. Bu haqda mamlakatning Istanbuldagi Bosh konsulxonasi xabar berdi. Maʼlum qilinishicha, jasad asli namanganlik 42 yoshli ayol M.B.ga tegishli. Marhumaning yaqinlariga sabr tilaymiz. Bu borada Bosh konsulxonaga moddiy va maʼnaviy yordam berganlarga tashakkur bildiramiz, — deyiladi axborotda. Avvalroq ikki nafar, jumladan, 40 yoshli namanganlik, 56 yoshli andijonlik fuqaroning jasadi Oʻzbekistonga olib kelingani haqida xabar bergandik.