13-fevral, 2023

Turkiyadagi zilzila qurbonlari soni 31 mingdan ortdi

Turkiyada sodir boʻlgan ikki kuchli zilzila qurbonlari soni 31 643 nafarga yetdi. Bu haqda Turkiya Favqulodda vaziyatlarning oldini olish va oqibatlarini bartaraf etish boshqarmasi (AFAD) xabar berdi. Eslatib oʻtamiz, 6 fevral, dushanba kuni Turkiyaning janubi-sharqida 7,7 ball va 7,6 ball) magnitudasi yetti balldan ortiq boʻlgan ikkita zilzila sodir boʻldi. Prezident Rajab Toyyib Erdoʻgʻon Turkiyada tabiiy ofat qurbonlari munosabati bilan yetti kunlik milliy motam eʼlon qildi. Turkiya davlat bayroqlari butun mamlakat boʻylab yarimga hilpiratildi. Vayronkor zilzila qoʻshni davlatlar, jumladan, Suriya, Livan, Shimoliy Kipr Turk Respublikasi, Gretsiya Kipr va Iroqda ham sezildi. Oxirgi maʼlumotlarga koʻra, Suriyaning Idlib, Halab, Xama, Latakiya va Raqqa viloyatlarida 3,5 mingdan ortiq odam halok boʻlgan.