12-fevral, 2023

Turkiyadagi zilzila qurbonlari soni 29 mingdan ortdi

Turkiyada sodir boʻlgan ikki kuchli zilzila qurbonlari soni Toshkent vaqti bilan soat 17:55 holatiga koʻra 29 605 kishiga yetdi. Bu haqda Turkiya Favqulodda vaziyatlarning oldini olish va oqibatlarini bartaraf etish boshqarmasi (AFAD) xabar berdi. Turkiyaning 10 viloyatida qurbonlar soni 29 605 kishiga yetdi, 147 934 kishi tabiiy ofat zonasidan evakuatsiya qilindi. 6 fevral, dushanba kuni Turkiyaning janubi-sharqida 7,7 ball va 7,6 ball) magnitudasi yetti balldan ortiq boʻlgan ikkita zilzila sodir boʻldi. Prezident Rajab Toyyib Erdoʻgʻon Turkiyada tabiiy ofat qurbonlari munosabati bilan yetti kunlik milliy motam eʼlon qildi. Turkiya davlat bayroqlari butun mamlakat boʻylab yarimga hilpiratildi. Vayronkor zilzila qoʻshni davlatlar, jumladan, Suriya, Livan, Shimoliy Kipr Turk Respublikasi, Gretsiya Kipr va Iroqda ham sezildi. Oxirgi maʼlumotlarga koʻra, Suriyaning Idlib, Halab, Xama, Latakiya va Raqqa viloyatlarida 3,5 mingdan ortiq odam halok boʻlgan.