10-fevral, 2023

Turkiyadagi zilzila qurbonlari soni 18 mingdan ortdi

Turkiya janubi-sharqidagi zilzila qurbonlari soni 18 342 kishiga yetdi. Bu haqda Turkiya vitse-prezidenti Fuat Oktay maʼlum qildi. “Qurbonlar 18 342 kishi. 74 242 nafar fuqarolarimiz tan jarohati oldi. Qariyb 75,8 ming kishi halokat joyidan evakuatsiya qilingan”, - deydi u. Shuningdek, uning aytishicha, Adana, Diyarbakir, Usmoniya viloyatlarida qidiruv-qutqaruv ishlari yakunlanib bormoqda. Hozirda zilzila oqibatlarida qidiruv ishlariga 120 mingdan ortiq inson jalb qilingani maʼlum boʻldi.