09-fevral, 2023

Shavkat Mirziyoyev topshirigʻi bilan Oʻzbekiston maxsus borti Turkiyaning Gaziyantep shahriga yetib bordi

Prezident Shavkat Mirziyoyevning topshirigʻiga binoan Oʻzbekiston maxsus borti Turkiyada halokatli zilzilalar natijasida jabrlanganlarga shoshilinch yordam koʻrsatish maqsadida Gaziyantep shahriga yetib keldi. Bortda umumiy soni 71 kishidan iborat qoʻshimcha qidiruv-qutqaruv va tibbiyot xodimlari guruhi bilan bir qatorda, navbatdagi gumanitar yordam partiyasi ham yetkazildi. Jabrlanganlarga yordam berish maqsadida Mudofaa vazirligi tibbiy otryadining 50 nafar xodimi xizmat qiladigan bir gektar maydonga toʻqqizta alohida boʻlinmadan iborat koʻchma shifoxona majmuasini joylashtirish rejalashtirilgan. Ushbu dala shifoxonasi Oʻzbekistondan keltirilgan barcha zarur tibbiy asbob-uskunalar va dori-darmonlar bilan toʻliq taʼminlanadi.