08-fevral, 2023

Poytaxtdagi tirbandlikni qisqartirishning yechimlari maʼlum boʻldi

Toshkent shahrida tirbandlikni qisqartirish va odamlarning uzogʻini yaqin qilish maqsadida: ➖ 1 aprelga qadar qoʻshimcha 1 mingta avtobus olib kelinadi; ➖ 25 ta koʻchada avtobuslar uchun alohida yoʻlaklar tashkil etiladi; ➖ yil yakunigacha 233 ta chorrahadagi svetoforlarni yoʻlovchi oqimiga qarab boshqarish tizimi joriy qilinadi; ➖ 20 ta oqim yuqori koʻchalarda xususiy sheriklik asosida jami 10 ming oʻrinli parkomatlar tashkil qilinadi; ➖ Chilonzor, Yunusobod va Yashnobod tumanlaridagi shaharga olib kiruvchi 6 ta metro bekati atrofida avtoturargohlar tashkil qilinib, tayyor biznes sifatida auksionga chiqariladi. Eslatib oʻtamiz: avvalroq ayni shu masalada ijtimoiy soʻrovnoma eʼlon qilingandi.