08-fevral, 2023

2023 yilda poytaxtda energiyaga boʻlgan talab 4 baravar ortigʻi bilan taʼminlanishi kutilyapti

Prezident Shavkat Mirziyoyev poytaxt jamoatchilik vakillari va mutasaddilar ishtirokida yigʻilish oʻtkazmoqda. Yigʻilishda Toshkent shahrining elektr energiyasi va tabiiy gazga ehtiyoji tobora ortib borayotgani taʼkidlanib, energetika masalalarini toʻliq hal qilish uchun barcha hisob-kitoblar qilingani aytildi.

Avvalambor, qayta tiklanuvchi energiya salohiyatidan foydalanish zarur. Shaharda kamida 2 ming megavattga yaqin quvvatli quyosh panellarini oʻrnatish mumkin. Bu ishlar bilan koʻp qavatli uylar, ijtimoiy soha obʼektlari, davlat idoralari va tadbirkorlik binolarining tom qismi, sanoat zonalari hududi, avtoturargohlar va yirik suv inshootlari hududini qamrab olinadi. Bu choralar koʻrilsa, hisob-kitoblarga koʻra, 2023 yilda kutilayotgan 240 million kilovatt soatlik talabni 4 baravar ortigʻi bilan, yaʼni 1 milliard 80 million kilovatt soat hajmda taʼminlash imkoniyati paydo boʻladi, – dedi Prezident.

Eslatib oʻtamiz: bugun Prezident Shavkat Mirziyoyev Toshkent shahri yerusti metrosini qurish loyihasining ikkinchi bosqichi doirasida amalga oshirilayotgan ishlar bilan tanishdi, transformatorlar ishlab chiqarish korxonasiga tashrif buyurdi. Masʼullar va jamoatchilik vakillari ishtirokida dolzarb masalalarni muhokama qilmoqda.