06-fevral, 2023

Oʻzbekistonning Turkiyadagi vakolatxonasi ogohlantiradi

Oʻzbekiston Respublikasining Turkiyadagi elchixonasi jiddiy ogohlantirish bilan fuqarolarga murojaat qildi. "Kuchli zilzilala qayta sodir boʻlayotganligi sababli quydagilarga qatʼiy rioya qilishga chaqiramiz! Agar siz zilzila sodir boʻlayotgan viloyatlarda bino ichida boʻlsangiz hujjatlar va zarur narsalarni olib, binodan tezda chiqing. Xonadan chiqayotganda liftda emas, zinapoyalardan foydalaning. Koʻchada qoling, lekin binolar yonida turmang, ochiq joyga oʻting. Tinchlaning va boshqalarni tinchlantirishga harakat qiling", - deyiladi xabarda. Eslatib oʻtamiz, Oʻzbekiston fuqarolari zarur hollarda Oʻzbekiston Respublikasining Anqaradagi Elchixonasi Tel.:+905380358534 Oʻzbekistonning Istanbul shahridagi Bosh Konsulxonasiga Tel.: +90-212-323-20-37, +90-212-323-20-39 murojaat qilishlari mumkin.