05-fevral, 2023

Nukus voqealari boʻyicha sudlangan Poʻlat Shamshetov vafot etdi

Nukus shahridagi ommaviy tartibsizliklarni sodir etganlikda ayblangan shaxslardan biri Poʻlat Shamshetov kecha tongda tergov hibsxonasida yurak xurujidan vafot etgani boʻyicha xabarlar tarqaldi. Mazkur holat boʻyicha Mustaqil komissiya aʼzolari joriy yilning 6 fevral kuni Buxoro viloyatiga tashrif buyurib, oʻlim holati sabablarini, jumladan hibsxonadagi sharoitlar, kamera yozuvlari, dastlabki tibbiy hulosa va boshqa tegishli hujjatlarni oʻrganishadi. Shuningdek, marhum bilan bitta kamerada boʻlgan shaxslar va tergov hibsxonasi xodimlari bilan suhbat oʻtkaziladi. Oʻrganish natijalari haqida jamoatchilik xabardor qilinishi maʼlum qilinadi. Qoraqalpogʻiston Respublikasi Ichki ishlar vazirligining sobiq boʻlim boshligʻi, marhum Poʻlat Shamshetov odamlarni ommaviy tartibsizliklarga chaqirgani va oʻzi ham namoyishlarda faol ishtirok etgani uchun 6 yilga ozodlikdan mahrum qilingan edi.

"Marhumning oila aʼzolari va yaqinlariga Komissiya aʼzolari nomidan taʼziya izhor etamiz", - deyiladi xabarda.