04-fevral, 2023

Namanganda aholining bir tibbiyot muassasasi mansabdorlariga oid ochiqlagan maʼlumotlaridan korrupsiyaning hidi kelayotgandek

Sogʻliqni saqlash vaziri Amrillo Inoyatov Namangan viloyatida jurnalist va blogerlar hamda aholi vakillari bilan uchrashdi. Uchrashuv chogʻida aholi vakillarining Uychi tumani koʻp tarmoqli markaziy poliklinikasi mansabdorlarining xatti-harakatlariga oid ochiqlagan maʼlumotlaridan esa korrupsiyaning hidi kelyapti. Yaʼni vazir bilan muloqot chogʻida aholi viloyatning Uychi tumani koʻp tarmoqli markaziy poliklinikasi mansabdorlarining xatti-harakatlaridan noroziligini bildirgan. Xususan, aholi vakillaridan biri mazkur tibbiyot muassasasidagi mansabdorlarning qilmishlarini qoʻl telefoniga muhrlangan dalillar bilan Sogʻliqni saqlash vaziriga ochiqlagan. Vazirlik matbuot xizmati esa Sogʻliqni saqlash vaziri esa odamlarni qiynayotgan muammolarni eshitib, ularni joyida hal qilish choralarini koʻrganini maʼlum qildi. Mazkur jarayon muhrlangan videohavolada esa Sogʻliqni saqlash vaziri Amrillo Inoyatov aholi vakillarining ochiqlagan maʼlumotlariga javoban “Vallomati boʻlsa ham ishdan ketadi” deya munosabat bildirgan. Voqealar rivojini kuzatamiz, tez orada mazkur holatga oid muhim maʼlumotlar chiqib qolsa ajabmas.