03-fevral, 2023

Yanvar oyida gazdan noqonuniy foydalanganlar energotizimga 5,6 mlrd soʻm zarar yetkazgan

2023 yilning yanvar oyi davomida Energetika vazirligi huzuridagi «Oʻzenergoinspeksiya» va huquqni muhofaza qiluvchi organlar hamkorligida oʻtkazilgan nazorat tadbirlarida 511 ta holatda 6,7 mln kVt-soat elektr energiyasidan noqonuniy foydalanish holatlari aniqlandi. Bu haqda vazirlik matbuot xizmati xabar berdi. Buning natijasida tizimga 5,6 mlrd soʻm zarar keltirilgan. Ushbu hajmdagi elektr energiyasi oʻrtacha 33 ming 500 ta xonadonning bir oylik elektr energiyasi isteʼmolini tashkil qiladi.

Noqonuniy foydalanish holatlarining eng koʻpi Surxondaryo, Samarqand, Sirdaryo, Xorazm, Buxoro va Toshkent viloyatlari hissasiga toʻgʻri keldi.

Qoidabuzar isteʼmolchilarga nisbatan belgilangan tartibda choralar koʻrilib, tegishli hujjatlar huquqni muhofaza qiluvchi organlarga taqdim etildi. Nazorat tadbirlari davom etmoqda, — deyiladi vazirlik axborotida.