02-fevral, 2023

Toshkentda soxta SES xodimlari paydo boʻlgani aytilmoqda

Toshkent shahar Mirobod tumani «Movarounnahr» mahallasi aholisiga oʻzlarini Sanitariya-epidemiologik osoyishtalik va jamoat salomatligi qoʻmitasining tuman boʻlimi xodimimiz deya tanishtirib, turli hasharotlarga qarshi dorilarni pullayotgan shaxslar paydo boʻlgani aytilmoqda.

Toshkent shahar SESning maʼlum qilishicha, oʻzlarini «SES xodimlari» deya tanishtirayotgan firibgarlar aholiga kelib chiqishi nomaʼlum dorilarni sotmoqda. Shu sababli fuqarolarga zararsizlantiruvchi vosita sotayotgan «SES xodimlari»ni uchratganda, xizmat guvohnomasi, qaysi tashkilot yoki boshqarmada faoliyat yuritishi hamda zararsizlantiruvchi vosita sotishga asos soʻrashga haqli ekanligi eslatib oʻtildi. Ushbu shaxslar talab qilingan maʼlumotlarni berishdan boʻyin tovlaganda esa fuqarolar SESning ishonch telefoniga yoki Toshkent shahar boshqarmasining telefon raqamiga xabar berishlari mumkinligi aytildi.