01-fevral, 2023

Rasul Kusherbayev tabiat resurslari vaziri maslahatchisi boʻldi

Oʻzbekiston Respublikasi Tabiat resurslari vazirining tegishli buyrugʻi bilan Kusherbayev Rasul Xidraliyevich Oʻzbekiston Respublikasi Tabiat resurslari vazirining maslahatchisi lavozimiga tayinlandi. Kusherbayev Rasul Xidraliyevich ushbu tayinlovga qadar Oʻzbekiston Respublikasi Oliy Majlisi Qonunchilik palatasi deputati boʻlib faoliyat yuritgan. "Tabiat resurslari vaziriga maslahatchi sifatida faoliyatimni davom ettiradigan boʻldim. Endi ona tabiatni asrash yoʻlida mavjud muammolarni hal etish uchun oʻylab yurgan koʻplab rejalarni amalga oshirishga harakat qilib koʻramiz. Eng muhimi jamoatchilikdan, odamlardan uzilish boʻlmaydi. Bundan buyon ham mamlakat rivoji, kelajagi, taqdiri yoʻlidagi masalalarda faol ishtirok etishdan toʻxtamayman. Asosiy ishlar hali oldinda", - deydi Kusherbayev.