01-fevral, 2023

Bugun Oʻzbekistonning 3 ta viloyatida yomgʻir yogʻadi

Bugun kunduz kuni Oʻzbekiston boʻyicha havo oʻzgarib turadi, vaqti-vaqti bilan yomgʻir yogʻadi, Samarqand, Jizzax, Toshkent viloyatlarida baʼzi joylarda kuchli boʻladi. Fargʻona vodiysi viloyatlarida yogʻingarchilik kutilmaydi. Baʼzi joylarga tuman tushadi. Shamol 7-12 m/s tezlikda esadi, baʼzi joylarda 15-20 m/s gacha kuchayishi mumkin, Navoiy, Samarqand, Jizzax viloyatlarining ayrim joylarida baʼzida shamol 25-28 m/s gacha kuchayishi mumkin. Harorat 5-10° iliq boʻladi, baʼzi joylarda 12-14° iliqgacha boʻladi. Poytaxtimizda vaqti-vaqti bilan yomgʻir yogʻadi. Shamol 5-10 m/s tezlikda esadi, 12-17 m/s gacha kuchayishi mumkin. Harorat 9-11° iliq boʻladi. Togʻli hududlarda vaqti-vaqti bilan yogʻingarchilik (yomgʻir, qor), baʼzi joylarda kuchli boʻladi. Tuman tushishi mumkin. Shamol 7-12 m/s tezlikda esadi, baʼzi joylarda 17-22 m/s gacha kuchayishi mumkin. Harorat 2-7° iliq boʻladi.