30-yanvar, 2023

Yevropaning yirik aviakompaniyasi bankrot boʻldi

Yevropaning yirik hududiy avakompaniyalaridan sanalgan Flybe parvozlarni toʻxtatgani haqida Twitter orqali rasman xabar berdi. Manbaga koʻra, kompaniya chiptalar sotishni va parvozlarni toʻxtatgan. Chipta savdolarni toʻxtatish va reyslarni bekor qilish qarori munosabati bilan Flybe deyarli barcha xodimlarini ishdan boʻshatishga majbur boʻldi: Natijada, 321 kishidan 277 nafari ishsiz qoldi. Britaniya aviatashuvchisi Flybe parvozlarni qayta boshlaganidan keyin bir yildan kamroq vaqt oʻtib toʻxtashini eʼlon qildi. 2020 yil mart oyida Flybe koronavirus tufayli yuzaga kelgan ogʻir iqtisodiy vaziyatga dosh bera olmay, bankrot deb eʼlon qildi. Flybe birinchi marta Yevropa Ittifoqi mamlakatlarida koronavirusga qarshi karantin joriy etilgan 2020 yil martida parvozlarni toʻxtatgan edi.