30-yanvar, 2023

Hokimlarning paxta-toʻqimachilik klasterlari ishiga aralashishi qatʼiyan taʼqiqlandi

“Paxta xomashyosi yetishtiruvchilar faoliyatini yanada qoʻllab-quvvatlashning qoʻshimcha chora-tadbirlari toʻgʻrisida”gi Prezident qarori (PQ–23-son, 26.01.2023 y.) qabul qilindi Qarorga koʻra, mahalliy davlat hokimiyati organlari tomonidan paxta-toʻqimachilik klasterlari faoliyatiga noqonuniy aralashish, ularning taʼsischilarini yigʻilishlar va boshqa tadbirlarga chaqirish, fermerlar bilan boʻladigan munosabatlariga taʼsir oʻtkazish qatʼiyan man etiladi; Shuningdek, paxta-toʻqimachilik klasterlariga toʻrt tomonlama bitim doirasida olingan majburiyatlardan tashqari qoʻshimcha majburiyatlarni yuklash taqiqlanadi. 2023 yil hosilidan har yili 1 oktabrgacha paxta-toʻqimachilik klasterlari tomonidan fermer xoʻjaliklari bilan kelgusi yil hosili uchun paxta yetishtirish boʻyicha fyuchers shartnomalari tuziladi (2023 yil hosili uchun 2023 yil 1 fevralga qadar). Qarorga koʻra, shuningdek, 2023 yildan: 🔸 xorijdan olib kelingan va respublikamizda ishlab chiqarilgan lazerli qurilmaga ega avtomatlashtirilgan yer tekislagich agregatlarini sotib olgan qishloq xoʻjaligi mahsulotlari ishlab chiqaruvchilariga ular qiymatining 30 foizi qoplab beriladi; 🔸 paxta yetishtiriladigan maydonlarni nasos orqali sugʻorishda sarflanadigan elektr energiyasi xarajatlarining 50 foizigacha qismi qoplab beriladi. 2025 yil 1 yanvargacha import qilinadigan ayrim mineral oʻgʻitlarga bojxona bojining “nol” stavkasi qoʻllaniladi.