27-yanvar, 2023

Gulistonda gaz chaqnashidan bir kishi jarohatlandi

26 yanvar kuni Guliston shahar "Namuna" MFY Al-Xorazmiy koʻchasidagi 62-xonadonda tahminan havo-gaz aralashmasining chaqnashi bilan bogʻliq hodisa sodir boʻlgan. Bu haqda Sirdaryo viloyati Favqulodda vaziyatlar boshqarmasi axborot xizmati xabar berdi. Hodisa oqibatida yongʻin sodir boʻlmagan, xonadon oshxonasining kirish eshigi va derazasi qisman shikastlangan hamda 1 nafar fuqaro tan jarohati olib shifoxonaga yuborilgan. Hozirda ushbu hodisa sababi va moddiy zarar miqdori aniqlanmoqda.

"Barcha fuqarolarimizdan xonadonlarni isitishda xavfsizlik talablariga rioya etishlarini hamda gaz moslamalarini eʼtiborsiz qoldirmasliklarini soʻrab qolamiz", deyiladi xabarda.