26-yanvar, 2023

Poytaxtda sovuq ob-havo sabab qoʻyilgan ayrim cheklovlar bekor qilindi

Oʻzbekistonda kuzatilgan anomal sovuq ob-havo tufayli aholi xonadonlariga elektr energiyasi va gaz taʼminotini uzluksiz yetkazish maqsadida Toshkent shahridagi oziq-ovqat doʻkonlari va umumovqatlanish korxonalaridan tashqari barcha savdo va xizmat koʻrsatish shoxobchalari, koʻngilochar savdo markazlari va istirohat bogʻlari vaqtincha qisqartirilgan ish rejimga oʻtkazilish tavsiya qilingan edi.

«Bugungi kunda havo harorati yaxshilanayotgani va holat barqarorlashayotganligi bois yuqoridagi barcha korxonalar doimdagidek ish rejimida faoliyat olib borishlari mumkin», deyiladi xabarda.