24-yanvar, 2023

«Toshkent shahar suv taʼminoti» MChJ direktori oʻrinbosari 2 yil toʻlmasdan lavozimiga qaytarildi

Ravshan Poʻlatov «Toshkent shahar suv taʼminoti» MChJ direktori oʻrinbosari etib tayinlandi. IIV matbuot xizmatining 2021 yil mart oyidagi xabarida esa «Toshkent shahar suv taʼminoti» MChJ direktori oʻrinbosari P.R 1,8 million soʻm pora bilan qoʻlga tushgani aytilgan edi. Mazkur holat yuzasidan, 2021 yil 17 mart kuni Bosh prokuratura huzuridagi IJQK Departamenti Toshkent shahar Yunusobod tumani boʻlimi tomonidan Jinoyat kodeksining 210-moddasi 2-qismi «g» bandi bilan jinoyat ishi qoʻzgʻatilib, P.R. Jinoyat protsessual kodeksning 224-moddasi tartibida ushlangan. Maʼlumotlarga koʻra, pora bilan ushlangan amaldor bir yarim yildan ziyod vaqtdan keyin oʻz lavozimiga qaytgan.