24-yanvar, 2023

Saida Mirziyoyeva: "Bir joyda qotib turaveramiz, agar..."

Soʻnggi vaqtlarda keng jamoatchilik tomonidan oiladagi zoʻravonlik va uning asosiy jabrdiydalari ayollar, bolalar boʻlib qolayotgani koʻp va xoʻp muhokama qilinmoqda. Bu borada faol jamoatchilik vakillari oʻz takliflarini bildirib kelmoqda . Bugun Senatda NNT, davlat idoralari va faollar ishtirokida oiladagi zoʻravonlik toʻgʻrisidagi qonunning jamoatchilik muhokamasi oʻtkaziladi. Prezident Administratsiyasi Ijro etuvchi apparatining Kommunikatsiyalar va axborot siyosati boʻyicha shoʻʼba mudiri bu borada qisqacha oʻz fikrini bildirdi:

Oiladagi zoʻravonlik uchun jinoiy jazo tayinlamagunicha, ushbu jinoyatga davlatning munosabati Jinoyat kodeksida aniq aks etmagunicha, bir joyda qotib turaveramiz. Busiz boshqa hech nima yordam berolmaydi, yuzaki choralar ham, eng ilgʻor gender loyihalari ham, quruq gap bilan tarbiyalashga urinishlar ham. Oldin ayollar oldidagi masʼuliyatni belgilagan holda, ularni himoyalovchi Qonun joriy etilishi zarur. Qolgani keyin boʻladi.