23-yanvar, 2023

Oʻzbekistondagi 700 dan oshiq maktabda 3-chorak onlayn shaklda boshlandi

23 yanvardan respublikadagi barcha taʼlim muassasalarida darslar boshlab yuborildi. Hozirda 10 ming 104 ta maktabdan 9 ming 387 tasida oʻquv jarayonlari anʼanaviy, 717 tasida esa onlayn shaklda olib borilmoqda. Maktabgacha va maktab taʼlimi vazirligiga koʻra, sinf xonalarda havo haroratini meʼyor darajasida saqlash imkoniyati boʻlmagani uchun ayrim maktablarda darslar vaqtincha masofaviy shaklga koʻchirilgan. Vazirlik xabariga koʻra «Maktabgacha va maktab taʼlimi vazirligi tegishli vazirlik va idoralar, hududiy hokimliklar, kommunal xizmati tashkilotlari bilan birgalikda taʼlim muassasalarida oʻqish jarayonlarini tashkil etish yuzasidan barcha zarur choralarni koʻrib, masofaviy taʼlim shaklida boʻlgan maktablar ham bosqichma-bosqich anʼanaviy shaklga oʻtkaziladi»