22-yanvar, 2023

Toshkentda Tracker toʻxtab turgan avtobusga borib urilib, yonib ketdi

Toshkentning Mirzo Ulugʻbek tumanida Tracker toʻxtab turgan avtobusga borib urilib, yonib ketdi. Bu haqda poytaxt IIBB matbuot xizmati xabar berdi. Maʼlum qilinishicha, 22 yanvarga oʻtar kechasi taxminan soat 00.40 larda Mirzo Ulugʻbek koʻchasi 4-sonli avtokorxona qarshisida haydovchi 1998 yilda tugʻilgan A.T. boshqaruvidagi Tracker rusumli davlat raqami 01 D 467 SB boʻlgan avtomobilda tezlikni oshirib harakatlangan. Natijada rul boshqaruvini yoʻqotib, yoʻl chetida harakatsiz turgan Isuzu rusumli avtobus bilan toʻqnashuv sodir etgan. Toʻqnashuvdan soʻng Tracker avtomobilining old qismida yongʻin chiqqan. YTH natijasida Tracker avtomobilidagi yoʻlovchilar: 1992 y.t. D.U., 1992 y.t. M.P., 1998 y.t. S.A.lar turli darajadagi tan jarohatlari bilan shifoxonaga yotqizilgan. Mazkur holat yuzasidan tergovga qadar tekshiruv oʻtkazilmoqda.