21-yanvar, 2023

Ronaldu sobiq klubini sudga bermoqchi

Saudiyaning "An-Nasr" klubi yulduzi Krishtianu Ronaldu sobiq jamoasi "Yuventus"ni sudga berishga tayyor. Maʼlum boʻlishicha, turinliklar unga maxfiu kelishuv boʻyicha vaʼda qilingan 19,9 million yevro miqdoridagi summani toʻlagani yoʻq. Tomonlar oʻrtasidagi yashirin bitim hujjatlari 2022 yilning 23 mart sanasida advokat Federiko Restanoning ofisidan topilgan edi. Unda Krishtianu Turindan ketgan taqdirda ham "keksa senora" uning hisobiga kattagina mablagʻ oʻtkazib berishi koʻzda tutilgan. Portugaliyalik hujumchi 2018 yilning yozida "Yuventus" tarkibiga borib qoʻshilgandi. Shundan soʻng u turinliklar libosida 134 oʻyinda maydonga tushib, oʻz hisobiga 101 gol va 22 assistni yozdirib qoʻyishga muvaffaq boʻlgan.