20-yanvar, 2023

Toqayev Qozogʻiston parlamenti quyi palatasini tarqatib yubordi

Qozogʻiston prezidenti Qasim-Jomart Toqayev respublika parlamenti majilisini (quyi palatasi) tarqatib yubordi va navbatdan tashqari deputatlar saylovi oʻtkazilishini eʼlon qildi. Bu haqda prezident matbuot xizmati xabar berdi. “Davlat rahbari 2023 yil 19 yanvardagi farmoni bilan yettinchi chaqiriq Qozogʻiston Respublikasi parlamenti majilisini tarqatib yubordi, shuningdek, 2023 yil 19 martga Qozogʻiston Respublikasi parlamenti majlisi deputatlarining navbatdan tashqari saylovini belgiladi”, - deyiladi xabarda. Farmonlar qonun chiqaruvchi hokimiyat har ikki palatasi spikerlari va bosh vazir bilan maslahatlashuvlardan soʻng imzolandi. Toqayevning aytishicha, endilikda parlament deputatlarining 70 foizi partiyaviy roʻyxatlar boʻyicha, 30 foizi esa bir mandatli okruglardan saylanadi.