20-yanvar, 2023

Samarqandda sugʻurta mablagʻlarini talon-toroj qilgan markaz boshligʻi aniqlandi

Samarqandda sugʻurta mablagʻlarini talon-toroj qilgan markaz boshligʻi aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi. Departamentining Toyloq tuman boʻlimi tomonidan tadbirkorlik subʼektlarining huquqlarini himoya qilish yuzasidan oʻtkazilgan tergovga qadar tekshiruvda, “K.s.” AJning Toyloq tuman sugʻurta markazi boshligʻi B.M. oʻziga ishonib topshirilgan jami 101,1 mln soʻm soʻmlik sugʻurta polisi pullarini kirim qilmasdan, ushbu mablagʻlarni oʻzlashtirish yoʻli bilan talon-toroj qilganligi aniqlangan. Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.