18-yanvar, 2023

Yurtimiz boʻyicha bir sutkada 23 nafar egizak dunyoga keldi

Joriy yil 17 yanvar ertalabki soat 08:00 dan 18 yanvar 08:00 gacha Sogʻliqni saqlash vazirligida tashkil etilgan Shtabga quyidagi maʼlumotlar kelib tushdi. “103” xizmati: 2 770 ta tibbiyot brigadasi faoliyat koʻrsatdi. “Tez yordam”ga 33 427 ta chaqiriq kelib tushdi. Eng koʻp chaqiriqlar: Fargʻona viloyati — 4 032 ta, Toshkent shahri — 3 447 ta, Andijon viloyati — 3 379 ta, Toshkent viloyati — 3 327 ta, Surxondaryo viloyati — 3 145 ta. Shu vaqt davomida Respublika shoshilinch tibbiy yordam ilmiy markazi va uning filiallariga 2 942 ta murojaat kelib tushdi. Bemorlardan 877 nafari gospitalizatsiya qilindi. Sutka davomida jami 2 332 nafar chaqaloq dunyoga keldi. Ulardan: 1 222 nafari — oʻgʻil; 1 110 nafari — qiz. Ushbu goʻdaklardan 23 nafari — egizak. Eng koʻp tugʻuruq qayd etilgan hududlar: Qashqadaryo viloyati — 264 nafar, Fargʻona viloyati — 261 nafar, Samarqand viloyati — 245 nafar, Namangan viloyati — 205 nafar, Surxondaryo viloyati — 205 nafar.