18-yanvar, 2023

Oʻzbekistonda 2022 yilda 102 xizmatiga qariyb 3 millionga yaqin qoʻngʻiroq boʻldi

Oʻzbekistonda 2022 yilda 102 tizimi Call-markazlariga 2 million 864 ming 778 ta qoʻngʻiroq boʻldi. Bu haqda IIV axborot xizmati xabar berdi. Qayd etilishicha, yangi 102 tizimi koll-markazlari 2020 yil sentabr oyidan 2021 yil yakuniga qadar uch bosqichda ishga tushirildi. 2022 yil yakuni boʻyicha 102 – koll-markazi tomonidan qabul qilingan qoʻngʻiroqlar soni – 2 million 864 ming 778 tani tashkil etdi. 102 tizimi zamonaviy axborot-kommunikatsiya texnologiyalari va geoaxborot tizimlari bilan jihozlangan. Tizim yagona klaster va platformaga birlashtirilgan. Axborot xavfsizligi taʼminlangan boʻlib, domen nazorat tizimi bilan dasturiy-texnik himoyalangan. Tizimga nafaqat huquqbuzarlik va jinoyatlar, balki koʻmakka muhtoj shaxslar, xususan, qariyalar ham qoʻngʻiroq qilib turadi. Bunday vaziyatda xabarlar manzil boʻyicha profilaktika inspektorlariga yetkaziladi va zaruriy yordam amalga oshiriladi.