17-yanvar, 2023

Boku va Urganch oʻrtasida haftasiga bir marta havo qatnovlari yoʻlga qoʻyilmoqda

Ozarbayjonning «Azal» aviakompaniyasi Urganch va Boku oʻrtasidagi toʻgʻridan-toʻgʻri havo qatnavlarini yoʻlga qoʻyadi. «Uzbekistan Airports» AJ maʼlumotiga koʻra, birinchi muntazam yoʻlovchi qatnovi joriy yil 28 yanvarga moʻljallangan. Ular Airbus A320 samolyotlarida haftasiga bir marta — shanba kunlari amalga oshirilishi rejalashtirilgan. Eslatib oʻtamiz: Urganch shahri Ozarbayjon aviatashuvchisi parvoz qila boshlagan Oʻzbekistondagi toʻrtinchi shahar boʻladi. Bokudan Toshkentga havo qatnavlari haftasiga ikki marta — payshanba va yakshanba kunlari muntazam ravishda amalga oshirilmoqda. Bokudan Samarqandga — seshanba va payshanba kunlari. Bokudan Fargʻonaga — payshanba kunlari. 1992 yilda tashkil etilgan Ozarbayjon Havo Yoʻllari (Azal) yirik aviatashuvchi boʻlib, Boing va Airbus samolyotlarining zamonaviy parkiga ega boʻlgan MDH mamlakatlari aviatsiya hamjamiyatidagi yetakchilardan biri hisoblandi.