16-yanvar, 2023

Sovuq ob havo tufayli «Afrosiyob» poyezdining beshta reysi bekor qilindi

"Afrosiyob" poyezdining Toshkent—Buxoro—Toshkent yoʻnalishida qatnovchi yana beshta reysi bekor qilindi. Bu haqda "Oʻztemir yoʻlyoʻlovchi" matbuot xizmati xabar berdi. Maʼlum qilinishicha, anomal sovuq ob-havo tufayli yoʻlovchi poyezdlar harakat xavfsizligini taʼminlash va ularni oʻz manzillariga yetkazishda noqulayliklar kelib chiqishining oldini olish maqsadida ushbu yoʻnalishda 16, 17, 18, 19, 20 yanvar kunlari amalga oshirilishi lozim boʻlgan 5 ta reys bekor qilinadi.

«Xarid qilingan chiptalarni temir yoʻl chiptaxonalarida, elektron tarzda xarid qilingan chiptalarni "Oʻzbekiston temir yoʻllari"ning rasmiy saytida qaytarishingiz mumkin. Chipta 100 foiz qiymatda qaytariladi», deyiladi xabarda.