16-yanvar, 2023

Sirdaryodagi uyda sodir boʻlgan portlashda 2 kishi halok boʻldi

Sirdaryo viloyati Xovos tumanidagi 2 qavatli uyda 15 yanvar kuni soat 14:50 da gaz-havo aralashmasining chaqnashi oqibatida 2 ta xonadonning qurilish konstruksiyalariga shikast yetgan. Bu haqda viloyat FVV xabar berdi. Maʼlum qilinishicha, doqea joyiga viloyat Favqulodda vaziyatlar boshqarmasining yongʻin-qutqaruv otryadi zudlik bilan yetib borib, qidiruv-qutqaruv ishlarini olib borgan. Afsuski, ushbu hodisa oqibatida ikki nafar fuqaro vafot etgan, bir nafar fuqaro tan jarohati olib, shifoxonaga joylashtirilgan. Oʻsha zahotiyoq viloyat hokimi hamda tegishli masʼullar ham voqea joyiga yetib bordi va vaziyat toʻliq nazoratga olindi. Mazkur holat yuzasidan tergovga qadar surishtiruv ishlari olib borilmoqda.