15-yanvar, 2023

Toshkent shahrida baʼzi tadbirkorlarning ish vaqti qisqartiriladi

Toshkent shahrida havo-haroratining keskin pasayshi davrida aholi xonadonlariga elektr va gaz taʼminotini uzluksiz yetkazish maqsadida, shahardagi oziq-ovqat doʻkonlari va umumovqatlanish korxonalaridan tashqari barcha savdo va xizmat koʻrsatish shahobchalari, koʻngil ochar savdo markazlari va istiroxat bogʻlari qisqartirilgan ish rejimiga oʻtkaziladi. Shu bois, barcha savdo va xizmat koʻrsatish shahobchalari, koʻngil ochar savdo markazlari va istiroxat bogʻlari ish faoliyatini ertalab soat 10-00 dan 17-00ga qadar amalga oshirishi lozim. Ish vaqtidan soʻng, barcha elektr asboblari, isitish uskunalarini oʻchirilgan holda elektr va gaz isteʼmolini toʻxtatish talab etiladi.