15-yanvar, 2023

Namanganda yuk mashinalari yonib ketishi oqibatida 3 nafar fuqaro halok boʻldi

Maʼlum qilinishicha, 15 yanvar kuni soat 16:09 larda Namangan viloyati Pop tumani hududida ketma-ket harakatlanib ketayotgan 3 ta MAN rusumli yuk avtomobillari ishtirokida YTH sodir boʻlishi natijasida yuk avtomobillarida yongʻin kelib chiqqan. Birinchi yuk avtomobili yoqilgʻi tashishga moʻljallangan boʻlib, mazut, ikkinchi avtomobilga koʻmir, uchinchi avtomobilga boʻyoq mahsulotlari ortilgan boʻlgan. Voqea joyiga 4 ta yongʻin-qutqaruv ekipaji soat 16:30 da yetib borib, yongʻin soat 16:33 da qurshab olingan va soat 17:20 da bartaraf etilgan. Hodisa oqibatida yuk avtomobillarida boʻlgan 3 nafar fuqaro halok boʻlgan.