15-yanvar, 2023

Namangan, Fargʻona, Sirdaryo va Xorazm viloyatlrida qishki taʼtil 18 yanvarga qadar uzaytirildi

Mahalliy davlat hokimiyati organlarining taʼlim sohasidagi vakolatlariga asoslanib, viloyatlar hududida sovuq ob-havo sharoiti saqlanib qolayotganidan kelib chiqib, Namangan viloyatidagi 710 ta maktab, Fargʻona viloyatidagi 975 ta maktab, Sirdaryoda 325 ta maktab, Prezident, ijod va ixtisoslashtirilgan maktablarda hamda barcha maktabgacha taʼlim muassasalarida qishki taʼtil 18 yanvarga qadar uzaytirildi. Bu haqda viloyat hokiliklarining matbuot xizmati xabar bermoqda. Oʻqish boshlashining aniq muddatini belgilash qarori taʼlim muassasalari maʼmuriyati, ota-onalar va pedagogik tarkib bilan maslahatlashgan holda qabul qilinganligi aytilmoqda.